As 25 leis máis absurdas do mundo...

Unha listaxe coas 25 leis máis absurdas do mundo foi publicada polo xornal inglés Times. Encabezan a lista Estados Unidos e Inglaterra.

O diario londinense publicou este venres unha lista coas 25 leis máis absurdas do mundo. A listaxe esta composto por algunhas das normas máis ridículas que se manteñen vixentes nos códigos penais de distintos países. Estados Unidos e Inglaterra son os dous países que máis leis absurdas rexistraron. Os estadounidenses teñen leis como unha que prohibe en Ohio emborrachar a un peixe, ou a prohibición para usar patinetes dentro dunha oficina de policía en Miami. Tamén en Florida, a lei non permite que as mulleres solteiras se tiren en paracaídas os domingos. En Vermont, unha muller non pode utilizar dentes postizos, a menos que conte coa autorización por escrito do seu marido. Pola súa banda, o Reino Unido, cualifica como algo ilegal o feito de que unha persoa morra dentro do edificio do parlamento, ou considera como traizón que alguén coloque un selo postal, coa imaxe da raíña, volteado de cabeza. Na cidade de York, ao norte do país, esta permitido matar a unha persoa de orixe escocesa que transite polas murallas da cidade, a condición de que este cargue un arco e frechas. En canto ás mulleres embarazadas, permíteselles por lei evacuar as súas necesidades físicas en calquera lugar, ate no casco dun policía, se así o require a futura nai. Con todo, non só Estados Unidos e Reino Unido contan con este tipo de leis, en Francia, é ilegal pór a un porco o nome de Napoleón. En Indonesia, a masturbación se castiga con decapitación, e en San Salvador, os condutores de automóbiles que conduzan peneques poderían ser castigados coa pena de morte. A lei máis absurda, segundo a mesma lista, é aquela que obriga a toda persoa que atope unha balea en praias do Reino Unido, a ceder a cabeza ao rei de turno, e a cola do animal á raíña. O resto do corpo o pode conservar. Xa sexa por estar completamente descontextualizadas, obsoletas, ou simplemente como un reflexo de que os marcos legais dun país poden conter elementos verdadeiramente ridículos, é un feito que esta listaxe móstranos normas que poderían ser dignas dunha caricatura, ou ate unha película surrealista.