"Ás catro da mañá, nunca se sabe se é demasiado tarde, ou demasiado cedo". Woody Allen







lunes, 28 de junio de 2010

A tumba en Jerusalem...


Esta é unha historia real publicada no xornal The Jerusalem Post.

Jaym Shapiro pasou polo sete niveles do inferno. Sobreviviu a catro campos de concentración sen mencionar o ghetto e as marchas forzadas. Empezou a Guerra con oito fillos e unha esposa, e pouco despois dun ano, perdera á súa esposa e a sete dos seus fillos, sen nin sequera a posibilidade de sentar en duelo por eles. Foi finalmente liberado en Buchenwald co seu único fillo sobrevivente Baruj, vagaron polos campos de refuxiados durante case tres anos ate que finalmente, en 1948, atoparon un lugar nun barco de inmigrantes e chegaron a Israel unha semana despois.

Israel, no medio da Guerra de Independencia, estaba a loitar unha batalla desesperada pola súa supervivencia con obstáculos abafadores, entón Baruj Shapiro (fillo) ofreceuse como voluntario para loitar na Haganá. Sen adestramento previo, foi levado a un barranco, déronlle un rifle, aprendéronlle como disparar algunhas balas e enviárono a combate. Baruj Shapiro distinguiuse na batalla como parte da Brigada de Combate de Harel, baixo o mando de Yitzjak Rabin, na dura loita para romper o sitio árabe a Jerusalem. Baruj recibiu un ascenso temporal como oficial e foi premiado cunha medalla pola súa valentía no campo de batalla.

Pouco tempo despois infórmanlle a Jaym Shapiro da morte de Baruj no campo de batalla.

Jaym Shapiro só fixo unha petición: quería que o seu fillo que morrera pelexando por Jerusalem, fóra cando menos enterrado en Jerusalem, no Monte Herzl, o Cemiterio Militar Nacional. A tarde seguinte, centos de persoas reuníronse no Monte Herzl. A maioría deles nunca coñeceran a Baruj Shapiro en persoa ou ao seu pai Jaym, pero escoitaran sobre a terrible traxedia e querían dar as súas condolencias. Despois de todo, o que Hitler non terminou nos crematorios, terminou nas mans dunha bala árabe; este era o último fillo Shapiro; o fin dunha liña.

Igal Yadin en persoa, Xefe do Exército (heroe que despois descubriría Massada), parouse á beira de Jaym Shapiro. E mentres o cadaleito estaba a ser baixado á terra, Jaym Shapiro comezou a cantar. A xente pensou que volvera tolo, Yadin puxo o seu brazo ao redor dos ombreiros de Jaim e alguén correu a buscarlle auga. Pero el afastounos a todos e novamente, comezou a cantar. A xente non tiña idea de que facer, entón finalmente Jaym Shapiro mirounos e díxolles:

"Saben, eu pasei por un inferno que a maioría das persoas non poden imaxinar; perdín preto de setenta parentes en pouco máis dun ano, incluíndo 7 fillos, a miña esposa e os meus pais. Non teño un lugar onde facer duelo por eles, non hai tumbas; eles son cinzas nos ceos de Europa e eu non teño idea de por que tiñan que morrer. Pero este fillo, cando menos este fillo, sei porqué morreu. El morreu para que nós poidamos ter unha casa para o Pobo Xudeu na terra de Israel e el ten unha tumba, aquí no Monte Herzl en Jerusalem. E este non é un motivo para chorar, é un motivo para cantar".

Cando Jaym Shapiro terminou de falar, empezou a cantar unha vez máis, e tomou as mans da xente para bailar. E mentres o cadaleito de Baruj Shapiro, cuberto coa bandeira de Israel foi descendido á terra, máis de trescentas persoas empezaron a cantar e a bailar fronte á posta de sol no ceo de Jerusalem. A próxima vez que visites Israel, vai ao Monte Herzl, o Cemiterio Militar Nacional de Israel. E cando cruces as anchas portas de pedra, camiña primeiro cara arriba e logo cara abaixo á dereita onde están as tumbas de 1948, e alí toparás a tumba solitaria de Baruj Shapiro. Pecha os teus ollos aí, e talvez entenderás, porque o pobo Xudeu nunca será derrotado.
The Jerusalem Post - 14.09.2008

jueves, 10 de junio de 2010

Debate na TVG sobre a flotilla turca...

Debate que con motivo do recente incidente na interceptación dunha flotilla turca pola mariña israelí que tivo lugar no programa da TVG "Foro Aberto" do día 7 de xuño coa participación de AGAI www.amizadeconisrael.org

Debate Foro Aberto 07.01 from galicia israel on Vimeo.

miércoles, 2 de junio de 2010

As Nacións Unidas son feministas...


Hai dúas semanas, e coa maior discreción, as Nacións Unidas elexiron á República Islámica de Irán como membro a Comisión do Status da Muller por un periodo de catro anos a partir de 2011. O propósito desta Comisión é "loitar pola igualdade da muller en todas as esferas da vida, ademais de achegar ao seu avance e desenvolvemento na sociedade". A República Islámica de Irán foi elixida "por aclamación" xunto a outros dez estados que ocuparon as cadeiras vacantes. Noutras palabras, non houbo necesidade de requirir ao voto da Asemblea Xeral, nin dos actuais membros da citada comisión. A elección levouse a cabo unha semana despois que o ayatola Kazem Sedighi, un dos máis altos clérigos de Irán, declarase publicamente que a "inmodesta forma de vestir das mulleres descarría aos mozos, corrómpeos, dánalles a súa castidade e difunde a práctica do adulterio". O líder relixioso agregou que "as roupas femininas reveladoras son as culpables de todos os terremotos do mundo". Así de simple. En Irán as mulleres carecen da capacidade para elixir os seus maridos, non teñen dereito independente á educación despois do matrimonio, nin a divorciarse, nin á custodia dos seus fillos, non teñen protección contra a violencia en espazos públicos e menos aínda nos privados, os cupos da súa admisión nas universidades están restrinxidas e existen leis que prescriben e aplican o flaxelo co látego ou a lapidación ás "mulleres inmodestas''. É verdade que a ONU é un organismo que non termina de sorprendernos coas súas espléndidas resolucións. De todos xeitos, desde aquí algunhas recomendacións máis que con certeza contribuirán a acadar a paz mundial e o entendemento entre os pobos:
*Corea do Norte - Presidente do Organismo Internacional de Enerxía Atómica
*O Vaticano - Presidente da Comisión de Igualdade de Dereitos dos Homosexuais
*Sudán - Presidente da Comisión dos Dereitos do Neno
*Afganistán - Presidente do Tribunal Internacional da Haia
* Al Qaeda, Hezbolláh, Hamás, Yihad islámica, ETA, FARC, etc. - Patrimonio da Humanidade