As fotos que vedes
arriba corresponden ao pasado venres á noite cando unhas 2.000 persoas
árabes-israelies asistiron a un mitin que tivo lugar na Galilea, no
norte de Israel, sob a convocatoria de: "Gaza venceu".
Bandeiras palestinas adornaban o lugar e arredores e entre os
presentes atopábanse deputados na Knesset, (Parlamento israelí),
unha delas precisamente Haneen Zoabi quen hai unhas semanas desatou
unha forte polémica cando fixo unhas declaracións nunha canle da TV
israelí nas que afirmaba que os asasinos dos tres rapaces xudeus
secuestrados e mortos por Hamas “non son terroristas”. Mentres
que pola contra os que asasinaron a un rapaz árabe-israelí en
Jerusalém como represalia “si son terroristas”. Dificil de
encaixar esta dupla vara da deputada pero a política no Medio
Oriente tenche estas cousas...
Pois ben, no acto en
cuestión os carteis dos presentes e intervintes dicían entre outras
cousas: “Apoiemos as demandas de Gaza" ou "A vitoria de
Gaza é un día festivo para nós”. A deputada israelí Zoabi na
súa intervención afirmou que: "A oposición palestina e a
nación enteira en Gaza derrotamos a Israel”, "A loita do noso
pobo frustrou todas as metas de Israel" ou "Esa é a
lección, e os israelíes teñen que entendelo, non hai poder militar
no mundo que poida derrotar a un pobo."
Ao comezo dicía eu que
estas novas non acostuman chegar aos nosos xornais, e non chegan por
algo moi simple... por que deixan desmontada e en evidencia a falacia
do suposto “aparheid israelí” ou da falta de democracia para os
cidadáns árabes-israelies. Mais a falacia, a mentira, por moi clara
que sexa pode seguir e seguirá sendo argumento para algúns que
entenden que lanzando mentiras e cintas de video se pode deslexitimar
o “pérfido” muiño de vento. Alguén imaxina aquí un mitin de
Batasuna-Sortu en Bilbo ou Donostia no que se fixeran declaracións
equivalentes sobre ETA e a súa vitoria “fronte España”?. En
fin, eche o que hai... Esta pasada semana tomando café cun amigo que
traballou nun “sindicato de clase” comentábame que “hai xente
que non ten pudor a hora de defender a calidade da democracia popular
en Cuba ou incluso Korea e criticar logo o estado de apartheid da
teocracia sionista”. De traca, pero a según en que foros e lugares
cousas así veredes don Sancho. Eses lugares e foros automarxinais
non me preocupan o máis mínimo, sonche así para calquera análise
da realidade e do mundo, pero si recoñezo que me preocupa que xente
moi sensata, intelixente e cunha atinada visión do mundo se deixen
levar por este tipo de argumentarios antiisraelis. Ollo! Entendo e a
pesar da miñas discrepancias (loxicamente como non podía ser doutro
xeito) respecto ás súas posicións por moi críticas ou
hipercríticas contra as políticas que poida levar a cabo un goberno
de Israel, mais o que non podo aceptar é a burda mentira como animal
de compañía.
No hay comentarios:
Publicar un comentario