Fatiga cívica

Por Carles Campuzano*

22.07.2013 - www.carlescampuzano.cat

Unha enorme fatiga cívica atravesa a sociedade froito dunha persistente crise sen horizontes esperanzadores á vista e con consecuencias para a cohesión social que durarán moito tempo, da crecente sensación de corrupción xeneralizada do sistema político e do sentimento de impunidade respecto os poderosos. As condicións para a “antipolítica e o populismo” de calquera tipo pode aparecer con moita claridade Unha ollada cara a Europa dos anos 20 e 30 do século pasado deberíanos de inquietar. E algo máis, claro. Hai que saber reaccionar e pasar á acción.

Quen pense que o paso do tempo porá as cousas ao seu lugar e que agora só toca aguantar é non entende a forza da corrente de fondo e das transformacións e cambios sociais que se están a suceder nestes anos. As cousas non volverán ser nuncaa coma foron antes antes. Claro que tampouco sabemos como serán no futuro. Deixarse levar pola corrente nunca acostuma ser a mellor resposta. Toca recuperar con urxencia a iniciativa.

No ámbito da renovación democrática dos partidos centrais do país temos a responsabilidade de concretar unha resposta á fatiga cívica cunha axenda de reformas posibles e imprescindibles. Os temas son moi obvios e hai tempos que se traballan: a nova lei electoral que dea máis forza aos electores que non aos aparellos partidarios; unha nova lei de partidos que promova a apertura e a transparencia e garanta a democracia interna, cun sistema de financiamento claro e o compromiso de non facerse trampas, buscando acabar co cancro que liquida a vida democrática por todas partes; a regulación dos lobbys e un marco legal que garanta o dereito ao acceso á información pública, na liña das lexislacións do restro de Europa; trátase de tres das principais cuestións que fai demasiados anos que se arrastran e non se acaban nunca de resolver. E tamén temos pendentes algunhas cousas que non dependen tanto das leis como da cultura democrática do país como é a asunción das responsabilidades políticas perante determinados escándalos que provocan alarma social.

A axenda que o President Mas anunciou este pasado inverno, contiña 51 propostas para a rexeneración democrática, mais que precisan dun novo pulo e dun grande acordo de país para facerse realidade. A fatiga da sociedade esixe algo máis que boas intencións e palabras bonitas por parte de todos. E o movemento cívico e democrático en favor do irrenunciable dereito a decidir que esixe das institucións catalás un esforzo reformador e ético máis grande, se fai falta. E é que sen rexeneración non haberá emancipación nacional.

*Deputado de CiU no Parlamento español