Novo libro de Jaime Vandor

Jaime Vándor*, naceu en Viena un 26 de febreiro de 1933, un día antes da queima do Reichstag alemán. Como consecuencia da anexión de Austria polo Terceiro Reich, toda a súa familia, tivo que fuxir a Hungría. En 1940, o seu pai emigrou a España coa esperanza de poder reunirse alí máis adiante coa súa muller e os seus dous fillos; con todo, o peche das fronteiras impediuno e eles tres tiveron que ficar en Hungría, amoreados no chamado gueto de Budapest. En 1944 os alemáns ocuparon Hungría e miles de persoas foron deportadas aos campos de exterminio, entre elas grande parte da famila dos Vándor. 

Jaime, a súa nai e o seu irmán esquivaron este destino grazas á actuación do embaixador español en Hungria, Angel Sanz Briz, quen ignorando as autoridades filonazis franquistas e a súa complicidade co goberno alemán, arriscou a súa carreira e conseguiu salvar da deportación a máis de 5.200 xudeus refuxiados nas dependencias da  Embaixada de España. Despois de moitas vicisitudes, no ano 1947, xa en plena posguerra española, o tres conseguiron chegar finalmente a Barcelona onde desde aquela traballou e viviu ate hoxe. Jaume Castro mantén neste libro unha intensa e reveladora entrevista con Jaime Vándor. O lector de hoxe sentirase inevitabelmente conmovido pola traxectoria vital do protagonista. O libro escrito orixinalmente en catalán, está tamén xa publicado en español. Pódes ler  un texto do libro AQUI:

EDITA             VIENA EDITORIAL 

AUTOR		Jaime Vándor
PÁXINAS		128
PVP		16,00  €
ISBN		978-84-8330-724-3

* Jaime Vandor é socio de Honra de AGAI e autor do texto da Declaración Institucional en Memoria do Día Internacional de Recordo das Vítimas do Holocausto, aprobada polo Parlamento de Galicia nos anos 2010, 2011 e 2012 e vetado de xeito inxustificábel no ano 2013 polos grupos do BNG e AGE (Anova+IU).